རྨི་ལམ་ཞིང་གི་ཚིགས་རུས། 

མུན་ནག་རླུང་གིས་གསེད་དཀྲོལ་བྱས་པ་ཡིས།།  

དུང་ཟླའི་འཛུམ་ཁ་ཆུ་ལ་བྱིངས་ཏེ་ལུས།།  

ཟུར་མིག་གཡོན་པོར་གཏད་པའི་བར་ལམ་ནས།།  

སེམས་ཀྱི་ཚིགས་རུས་གནམ་གྱི་སྐས་ལ་བཏགས།།  

ལོ་ཟླའི་ཟུར་མིག་ཡུག་གིས་གདངས་པ་ཡིས།།  

རི་རྩེའི་རླུང་དམར་ནུབ་ཁའི་འོད་ལ་ཆགས།།  

མདངས་བརྩེའི་ཉིང་ཁུ་ཕབ་ཀྱིས་བསྙལ་བ་དེ།།  

རྐང་པའི་མཛུབ་མོའི་སྣེ་ལ་དལ་གྱིས་བབས།།  

འཛུམ་ཁ་གཉོམ་པའི་ཁེར་ལམ་མག་མོག་ལ།།  

དགུན་གྱི་གྲང་ངར་གཟེད་པའི་མགོ་བོ་འདིས།།  

མི་ཚེའི་རིན་ཐང་གཞལ་བའི་སྦྲེལ་ཐག་གི།། 

ཕྱིར་མིག་འཇའ་ལམ་མཐུད་མཚམས་ག་ཙམ་ཡོད།།  

བཅོས་མའི་དམིགས་རྩེ་རྣོན་པོ་ལྷོ་ལ་བཏབ།།  

འཇོ་སྒེག་སྒྱུ་མའི་གོམ་སྟབས་ལྷོ་ལ་འཐེན།།  

གཡོ་སྒྱུའི་གློག་གི་དྲ་བ་ལྷོ་ལ་འཁོར།།  

མངོན་རྟོག་གར་གྱི་སོར་འཕྲུལ་ལྷོ་ལ་བབས།།  

གར་གྱི་སྟངས་སྟབས་བདེ་མོའི་འཕྲུལ་ལ་ཞེན།། 

འཚོ་བའི་སྣང་བ་མུན་པའི་ཀློང་ལ་འབྱར།།  

དྲན་གདུང་ཟོལ་མའི་ལག་ཟུང་རླུང་ལ་ཐོགས།།  

སྟོང་ཁམས་དར་གྱི་འོད་མདངས་ས་ལ་ཐིམ།།  

ད་ནི་རེ་བའི་ཞགས་ཐག་གནམ་ལ་དཔྱངས།།  

ད་ནི་འཁོར་བའི་ཞེན་ཆགས་གྲིབ་ལ་གཏད།།  

ད་ནི་བརྩེ་བའི་མིག་མདངས་རླུང་ལ་གཏོར།།  

ད་ནི་བློ་ཡི་ཐོང་ག་མེ་ལ་བསྲེགས།།  

2023-05-29 ཚེ་རིང་།

2023-05-29 ལོག་ལྟ་བ།

2023-05-29 རང་བསླུས།

ཤགས་འགྱེད།