སློབ་མ་མ་རེད་སློབ་ཕྲུག་རེད། དགེ་རྒན་ལ་བླ་མའི་འདུ་ཤེས་མེད།
ཚབས་མཚོན་གསར་འགྱུར།
བཀླགས་གྲངས། 738
ཚབས་མཚོན་གསར་འགྱུར།
བཀླགས་གྲངས། 738
སློབ་མ་མ་རེད་སློབ་ཕྲུག་རེད། དགེ་རྒན་ལ་བླ་མའི་འདུ་ཤེས་མེད།
བོད་ཀྱི་དུས་བབ། ༢༠༡༣/༠༡/༠༤
༢༠༡༣ ལོའི་ཟླ་ ༠༣ ཚེས་༤ ཉིན་ངྷ་ཤོད་ཚོགས་ཁང་དུ་བོད་རིགས་དགེ་རྒན་ཚོགས་ཆེན་སྟེང་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས། སློབ་ཕྲུག་བར་མཚུངས་བསྡུར་དང་འགྲན་བསྡུར་བྱེད་དུ་བཅུག་ན་འཚེ་བའི་ལས་ཡིན་ཚུལ་དང་། སློབ་ཕྲུག་ལ་ཉེས་རྡུང་བཏང་ན་ཕན་པ་ལས་ཞེ་སྡང་དང་འཁོན་འཛིན་སློང་གཞི་ཆགས་ཀྱི་ཡོད་སྐོར་གསུངས།
དབུས་བོད་མིའི་སྒྲིག་འཛུཊ་ཤེས་རིག་ལས་ཁུངས་ཀྱི་གོ་སྒྲིག་འོག ཕྱི་ཚེས་ ༣ ཉིན་གྱི་ཉིན་རྒྱབ་ཆུ་ཚོད་ ༢ པའི་ཐོག ངྷ་ཤོད་བོད་ཁྱིམ་སློབ་གྲྭའི་ཚོཊ་ཁང་དུ་ཚོཊ་པའི་གཏན་ཉིན་སློབ་གྲྭ་ཁག་གི་བོད་རིཊ་དགེ་རྒན་ཚོཊ་ཆེན་ཐེངས་དང་པོའི་སྟེང་། བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས། ཤེས་རིག་བཀའ་བློན་དང་དྲུང་ཆེ་རྣམ་གཉིས་གཙོས་ཤེས་རིག་འབྲེལ་ཡོད་ལས་བྱེད་ཁག་དང་། གཞི་རིམ་གོང་འོག་བར་གསུམ་དང་སྔོན་འགྲོ་སློབ་གྲྭའི་དགེ་རྒན་ ༡༥༠ བརྒལ་བར། ༼སློབ་གྲྭ་ཁག་ནས་ཉེས་རྡུང་དང་མཚུངས་བསྡུར། འགྲན་བསྡུར་གྱི་སྐྱོན་གནད། སློབ་གསོའི་ཐབས་ལམ་གཞན༽ཞེས་པའི་བརྗོད་གཞིའི་ཐོག་གཏམ་བཤད་དང་ཚོཊ་ཞུཊ་པ་ནང་ཁུལ་དུ་དྲི་བ་དྲིས་ལན་གནང་།
ཐོག་མར་ཟམ་གདོང་རིན་པོ་ཆེ་མཆོག་གིས། ཁོང་ཉིད་ལ་དུས་ཡུན་རིང་པོར་བཙན་བྱོལ་བོད་མིའི་སྤྱི་ཚོཊ་ཁྲོད། ཤེས་ཡོན་གཙོས་པའི་ལས་གནས་མང་པོ་ཞིག་དང་འབྲེལ་བ་ཡོང་གི་ཡོད་ཀྱང་། ༢༠༡༡ ལོ་ནས་ལས་དོན་ཆ་ཚང་གྲུབ་པར་བྱས་ཏེ་རིམ་བཞིན་མང་གཙོའི་འགྲོ་ལུཊ་ལྟར་སྤྱི་ཚོཊ་ནང་མངོན་གསལ་མིན་པར་ཡལ་འགྲོ་རྒྱུར་འབད་བརྩོན་བྱེད་ཀྱི་ཡོད་སྟབས། ཚོཊ་འདུ་ཁག་ཏུ་གཏམ་བཤད་སྤེལ་རྒྱུར་དགོས་པ་མཐོང་གི་མེད་ཚུལ་དང་འབྲེལ། དེང་རབས་སྤྱི་ཚོཊ་ནང་ཚེ་འདིའི་འཚོ་ཐབས་ཆེད་ཤེས་ཡོན་སློབ་སྦྱོང་བྱས་ཏེ། འཚོ་བ་བསྒྲུབ་རྒྱུ་སློབ་སྦྱོང་གི་དམིཊ་ཡུལ་ཡིན་བསམ་པའི་གོམས་གཤིས་དེ་བོད་པའི་སྤྱི་ཚོཊ་ནང་གནས་ཡོད་པ་དང་། བོད་ཀྱི་སྤྱི་ཚོཊ་རྙིང་པའི་སྐབས་གང་ཟག་སྒེར་བ་རེ་ཟུང་མ་གཏོཊ་སྤྱི་ཡོངས་ནས་གཞུང་ཆེན་མོར་སློབ་གཉེར་བྱེད་མཁན་ཞིག་ཡིན་ན། ཚེ་འདིའི་ལྟོ་གོས་གཏམ་གསུམ་ལ་དམིཊ་ཏེ་གཞུང་ཆེན་མོའམ་རིག་པའི་གནས་ཆེན་པོར་སློབ་སྦྱོང་བྱེད་མཁན་ཧ་ལམ་མེད་ལ། དེང་རབས་སྤྱི་ཚོགས་ནང་བོད་ཀྱི་རིག་གནས་ཉམས་ཆག་ཏུ་འགྲོ་བཞིན་པའི་ཐད་སེམས་འཚབ་ཡོད་སྐོར་གསུངས།
ཟམ་གདོང་རིན་པོ་མཆོག་གིས་མུ་མཐུད་དུ། བོད་ཀྱི་ཡིག་གཟུཊ་དང་བརྡ་སྤྲོད་གཉིས་དུས་རབས་བདུན་པའི་སྐབས་གཞི་ནས་དར་ཁྱབ་བྱུང་བ་ཞིག་དང་། སྐབས་དེར་ཡོངས་གྲཊ་སུ་བོད་ལ་མི་འབོར་ས་ཡ་ ༦ ཡས་མས་ལས་མེད་ཀྱང་། ལེཊ་སྦྱར་གཙོས་རྒྱ་གར་སྐད་ཡིག་གཞན་དང་། རྒྱ་ནག་དང་ཁྱིམ་མཚེས་རྒྱལ་ཁབ་ཁག་གི་སྐད་ནས་བོད་སྐད་དུ་སྒྲ་བསྒྱུར་བྱས་པ་ཁྱོན་པོ་ཏི་ ༣༠༠ དང་ཆོས་ཚན་ ༥༠༠༠ ཙམ་བྱུང་ཡོད་ཅིང་། སྒྲ་བསྒྱུར་བྱས་པ་རྣམས་འགྱུར་ཕལ་བ་ཙམ་མིན་པར་འཇིག་རྟེན་འདིའི་ཐོག་འགྱུར་བཟང་ཤོས་སུ་ཚད་འཛིན་བྱ་ཆོག་པ་དང་། བོད་སྐད་ནས་ཕྱིར་ལེཊ་སྦྱར་སྐད་སླར་གསོ་བྱེད་དགོས་བྱུང་ཡོད་པ། ལྷག་པར་དུ་བོད་ཀྱི་སྔོན་བྱོན་མཁས་པ་རྣམས་ཀྱིས། བོད་ཀྱི་སྐད་ཡིག་ནང་བརྩམས་པའི་བསྟན་བཅོས་ཀྱི་གྲངས་འབོར་བགྲང་ལས་འདས་པ་ཞིག་བྱུང་ཡོད་སྟབས། ད་སྔ་འཛམ་གླིང་ཐོག་དུས་ཚོད་ཐུང་ངུའི་ནང་མི་འབོར་ཉུང་ཉུང་ཞིག་གིས་རིག་པའི་གཞུང་ལུཊ་ཐོག་བཞག་པའི་རྩོམ་ཡིག་གི་སྤུས་ཚད་དང་། གྲངས་འབོར་གྱི་གྲུབ་འབྲས་བོད་པ་ལས་ལྷག་ཅིག་མི་རིགས་སུ་གང་ཡང་བྱུང་མེད་པ་ར་འཕྲོད་ཡོད་ལུཊ་གསུངས།
དགེ་རྒན་དགེ་ཕྲུག་དང་བླ་སློབ་གཉིས་ཀྱི་འབྲེལ་བ་ལས་འཕྲོས་ཏེ་ཉེས་རྡུང་གི་ངོ་བོ་དང་དེའི་བྱེད་ལས་ཐད་གསུངས་དོན་ལ། བོད་ལ་ཉེས་རྡུང་གཏོང་རྒྱུ་སྲོལ་རྒྱུན་ནས་ཡོད་པ་ཞིག་ཡིན་སྟབས། དགེ་རྒན་གྱིས་དགེ་ཕྲུག་ལ་ཉེས་རྡུང་གཏོང་བ་དེས། དགེ་རྒན་དགེ་ཕྲུག་གི་འབྲེལ་བར་གནོད་སྐྱོན་དང་དགེ་ཕྲུག་གི་བསམ་བློའི་འཚར་ལོངས་དང་ཡོན་ཏན་ལ་དོ་ཕོག་ཡོང་གི་མེད་ཀྱང་། ཆོས་སྡེ་ཁག་གི་དགེ་རྒན་དགེ་ཕྲུག་གི་འབྲེལ་བ་དང་། སློབ་གྲྭ་ཁག་གི་དགེ་རྒན་དགེ་ཕྲུག་གི་འབྲེལ་བ་རྦད་དེ་ལོཊ་ཀ་ཆགས་ཡོད་ཅིང་།
སློབ་གྲྭའི་ནང་ཐུན་མོང་བརྡ་སྤྲོད་རིག་གནས་ཙམ་ལས་ནང་ཆོས་སློབ་ཀྱི་མེད་པར། དགེ་རྒན་སྡུག་ས་ནས་བཤད་ན་ཕོཊ་སྤྲད་པའི་གཡོག་པོ་ལྟ་བུ་ཞིག་ཏུ་གྱུར་ཡོད་པ་དང་། ཕོཊ་སེམས་པའི་དགེ་རྒན་དང་བཤེས་གཉེན་བསྟེན་ཚུལ་བྱ་དགོས་པའི་དགོན་པ་ཁག་གི་དགེ་རྒན་དགེ་ཕྲུག་གི་འབྲེལ་བ་ཧ་ཅང་མི་འདྲ་བ་དང་། བོད་ནས་ཕེབས་མཁན་ཚོས་སློབ་མ་ཞེས་ལབ་ཀྱི་ཡོད་ཀྱང་དོན་དམ་དུ་སློབ་ཕྲུག་དེ་སློབ་མ་ཆཊ་ཀྱི་མེད།
གལ་སྲིད་སློབ་མ་ཆཊ་ན་དགེ་རྒན་རྣམས་རང་བཞིན་གྱིས་བླ་མ་ཆཊ་ཏེ། བླ་སློབ་ཀྱི་འབྲེལ་བ་ཡོང་གི་ཡོད་སྟབས་སློབ་ཕྲུག་དང་སློབ་མ་བར་ཁྱད་པར་ཆེན་པོ་ཡོད་ཚུལ། བླ་མ་དང་སློབ་མའི་འབྲེལ་བ་ཡོད་མཁན་ཞིག་དང་སློབ་མའི་བསམ་བློའི་ནང་བླ་མར་སངས་རྒྱས་དངོས་ཀྱི་འདུ་ཤེས་འཇོག་མཁན་དང་། བླ་མའི་བསམ་བློའི་ནང་སློབ་མར་རང་གི་བུ་གཅེས་པ་ལྟ་བུའི་འདུ་ཤེས་འཇོག་མཁན་ཞིག་ཡིན་ན། དགེ་རྒན་གྱིས་ཉེས་རྡུང་བཏང་རུང་དེར་སྐྱོན་ཡོད་པ་ཞིག་ཏུ་མཐོང་གི་མེད་ཅེས་གསུངས།
ཡང་ཁོང་གིས་ཕོཊ་བླངས་ཏེ་འཛིན་གྲྭར་སློབ་མཁན་དང་། འཛིན་གྲྭར་ཡོང་སྟེ་སོ་སོའི་ཕོཊ་རྒྱག་སའི་དགེ་རྒན་དེའི་མདུན་དུ་གནས་ཚུལ་ལེན་མཁན་སློབ་ཕྲུག་གི་འབྲེལ་བ་དེ་ཆོད་གན་གྱི་འབྲེལ་བ་བྱེད་སྟངས་ཤིག་དང་། དགེ་ཕྲུག་གི་ངོས་ནས་ཕོཊ་རྒྱག་རྒྱུའི་ཁས་ལེན་དང་དགེ་རྒན་གྱི་ངོས་ནས་གནས་ཚུལ་སྤྲོད་རྒྱུའི་ཁས་ལེན་ཡོད་པ་དང་། ཁས་ལེན་དེ་གཉིས་ཕྱོཊ་གཉིས་ཀས་བསྒྲུབ་དགོས་པའི་ཆ་རྐྱེན་ལྟ་བུ་ཞིག་ཡིན་སྟབས། ཁོང་གཉིས་བར་ཉེས་རྡུང་གཏོང་རྒྱུའི་གནས་སྟངས་གང་ཡང་ཡོང་གི་མེད།
ཉེས་རྡུང་བཏང་ན་ཕན་ཐོཊ་མེད་པའི་རྒྱུ་མཚན་ཆེ་ཤོས་གཅིག་ནི། སློབ་གྲྭའི་དགེ་རྒན་དང་སློབ་ཕྲུག་གི་འབྲེལ་བའི་རང་བཞིན་དང་སློབ་ཕྲུག་གི་བསམ་པའི་འཁྱེར་སོ་གཉིས་ལ་བལྟ་དགོས་ཤིང་། ཉེས་རྡུང་བཏང་ན་ཕན་ཐོཊ་ཡོད་མེད་སློབ་ཕྲུག་གི་བསམ་པའི་འཁྱེར་སོ་ལ་བལྟས་ཏེ་ཐག་གཅོད་དགོས་རྒྱུ་དང་། སློབ་ཕྲུག་གི་བསམ་བློའི་འཁྱེར་སོར་ཉེས་རྡུང་གཏོང་བ་དང་སྡུཊ་ར་སྐུལ་བ། འཇིཊ་སྣང་སྐུལ་བ། ཆད་པ་གཅོད་པ་སོཊ་ཀྱིས། ཡར་རྒྱས་དང་ཕན་ཐོཊ་ཡོད་པའི་བློའི་འགྱུར་བ་ཞིག་ཡོད་ན་གཅིག་བྱས་ན་ཕན་ཐོཊ་ཡོང་སྲིད་ཀྱང་། ད་ལྟའི་སྤྱི་ཚོཊ་ཀྱི་ཁོར་ཡུག་ནང་མིའི་བསམ་བློའི་འཁྱེར་སོ་བརྒྱ་ཆ་ ༩༠ སྤྱི་ཚོཊ་གནས་བབ་ཐོག་ཡོང་བསྡད་པ་ཞིག་དང་།
དགོན་པར་སྡོད་མཁན་གྱི་བསམ་བློ་དང་སློབ་གྲྭ་འགྲིམ་མཁན་སློབ་ཕྲུག་གི་བསམ་བློའི་འཁྱེར་སོ་ལོཊ་ཀ་ཆཊ་པའི་རྐྱེན་གྱིས། བསམ་བློའི་འཁྱེར་སོ་དེའི་ཐོག་ནས་ཉེས་རྡུང་བཏང་ན། སློབ་ཕྲུག་གི་སེམས་ལ་ཞེ་སྡང་དང་འཁོན་འཛིན་ཁོ་ན་ཡོང་རྒྱུ་ལས། དེ་ལ་བརྟེན་ནས་དད་པ་དང་དགའ་བ་མང་དུ་མི་འགྲོ་བ་དེ་ཧ་ཅང་གསལ་པོ་ཡིན་སྐོར་གསུངས།
ཡང་ཁོང་གིས་མཚུངས་བསྡུར་དང་འགྲན་བསྡུར་གཉིས་དེང་དུས་སྤྱི་ཚོཊ་དཔལ་ཡོན་ནང་ཡོད་པ་ཞིག་ལས། གནའ་རབས་དང་སྲོལ་རྒྱུན་སྤྱི་ཚོཊ་དཔལ་ཡོན་ནང་རྩ་བ་ནས་མེད་ཅིང་། དེ་གཉིས་འཇིག་རྟེན་བྱ་བ་ཕལ་བའི་ནང་ཡོང་ཆོག་པ་མ་གཏོཊ། ཤེས་ཡོན་དང་ནང་བསམ་བློ་ཡར་རྒྱས་འགྲོ་རྒྱུར་ཕན་ཐོཊ་རྩ་བ་ནས་མེད་པ་གནའ་སྔ་མོ་ཞིག་ནས་ངོས་ལེན་བྱས་ཚར་ཡོད་ཚུལ་དང་། རང་རྒྱལ་གཞན་ཕམ་དུ་བཅུག་པའི་བསམ་བློའི་རྒྱབ་ལྗོངས་འཚེ་བ་དང་སྡང་སེམས་ཀྱི་ཐོག་ནས་ཡོང་བ་མ་གཏོཊ། བྱམས་བརྩེ་དང་ཕན་སེམས་ཀྱི་ཐོག་ནས་ཡོང་ཐབས་མེད་པ་དང་།
དེ་ལྟ་བུའི་འགྲན་བསྡུར་དེ་འགྲོ་བ་མིའི་སྤྱི་ཚོགས་ཀྱི་བདེ་འཇགས་དང་བརྟན་བརླིང་ལ་ཕན་ཐོཊ་མེད་པར་མ་ཟད། འགྲོ་བ་མིའི་རིཊ་ཀྱི་ཤེས་ཡོན་ཡར་རྒྱས་འགྲོ་རྒྱུར་ཕན་ཐོགས་མེད་པར། དེ་ལས་ལྡོག་སྟེ་འགྲན་བསྡུར་དེ་ནི་བྱེད་ལས་ཐོག་འཚེ་བའི་བྱ་སྤྱོད་ཅིག་ཆགས་ཡོད་པ་དང་། ཧ་ཅང་མིའི་བསམ་བློར་མི་འཚམ་པའི་ཐབས་ལམ་གཉིས་ནི་བྱ་དགའ་སྤྲོད་པ་དང་ཉེས་ཆད་གཏོང་བ་ཡིན་ཞིང་། ཐབས་ལམ་དེ་གཉིས་ཡོང་སའི་གཞི་རྩ་གཙོ་བོ་མཚུངས་བསྡུར་དང་འགྲན་བསྡུར་གྱི་ཐོག་ནས་ཡོང་བཞིན་ཡོད་ཅིང་།
འགྲན་བསྡུར་དེ་ནི་བུང་བུའི་ཐོག་བེད་སྤྱོད་གཏོང་རྒྱུ་ཞིག་ལས་ཤེས་པ་རང་བཞིན་གྱིས་གནས་པའི་མི་ཞིག་ཡིན་ན། གཟེངས་བསྟོད་དང་ཉེས་པའི་ཐོག་གནས་སྐབས་རིང་སློབ་ཚན་བློར་བཟུང་མ་བཟུང་གི་ཁྱད་པར་ཙམ་ལས། སློབ་ཕྲུག་དེའི་བསམ་བློ་དང་ཤེས་ཡོན་ཡར་རྒྱས། བཟང་སྤྱོད་དང་གཤིས་ཀ་ཡར་རྒྱས་སོཊ་ལ་ཐབས་ལམ་དེ་གཉིས་ཀྱིས་གང་ཡང་ཕན་ཐོཊ་མེད་ཚུལ་གསུངས།
མཇུག་ཏུ་ཟམ་གདོང་རིན་པོ་ཆེ་མཆོག་གིས་གསུངས་དོན་ལ། “དགེ་རྒན་ཚོས་དགེ་ཕྲུག་གི་རྩོམ་ཡིག་ཞུ་དག་གཏོང་བ་དང་། རྒྱུགས་སྤྲོད་ཀྱི་གྲུབ་འབྲས་སྟོན་པའི་སྐབས་ལ། དགེ་ཕྲུག་རང་རང་སོ་སོའི་དངོས་ཡོད་གནས་བབ་ག་རེ་ཡོད་པ་དེ། ཡིན་མིན་གང་ཡིན་དཀར་ནག་གི་དབྱེ་བ་འབྱེད་རྒྱུ་མ་གཏོཊ། མཚུངས་བསྡུར་མི་བྱེད་རྒྱུ་ཧ་ཅང་གལ་ཆེན་རེད། མཚུངས་བསྡུར་དང་འགྲན་བསྡུར་བྱས་ན། བསམ་བློའི་ནང་བཟང་ཕྱོགས་ཀྱི་སེམས་ཚོར་འཕེལ་རྒྱུའི་ཚབ་ཏུ་ང་རྒྱལ་དང་ཞུམ་པ།ཡང་ན་སྡང་སེམས་སོཊ་འཕེལ་ཏེ་རང་བཞིན་གྱིས་འཚེ་བའི་ངོ་བོར་འགྱུར་འགྲོ་གི་ཡོད།
གནས་སྐབས་དེར་བྱམས་བརྩེ་འཕེལ་རྒྱུའི་གོ་སྐབས་དེ་རྩ་བ་ནས་འབྱུང་སྲིད་ཀྱི་མ་རེད། དེང་སང་ཚན་རིག་གིས་ཡོང་རྒྱུ་མེད་པའི་ཚིག་གསར་པ་བཟོས་ཏེ་བཀོད་སྤྱོད་བྱེད་པ་རྣམས་ལ་མི་ཚོས་ཡིད་ཆེས་བྱེད་ཀྱི་ཡོད་ཀྱང་། དོན་དངོས་ཐོག་མིའི་སྤྱི་ཚོཊ་ནང་འཚེ་བ་མེད་པའི་འགྲན་བསྡུར་ཞིག་ཧ་ཅང་ཡོང་ཁག་པོ་ཡིན། ཚན་རིག་གིས་ཅི་ཙམ་གྱིས་རྨོངས་དད་སྤེལ་བ་དེ་ཙམ་ཞིག་ཆོས་ལུཊ་ཀྱིས་རྨོངས་དད་སྤེལ་ཡོད་པ་མ་རེད་ལ། ཚན་རིག་གི་རྨོངས་དད་དེ་ཆོས་ལུཊ་ཀྱི་རྨོངས་དད་ལས་ཤུཊ་ཆེ་བ་ཡོད།”ཅེས་གསུངས།
གསར་འགོད་པ། གཅན་ཚ་དཔལ་ལྡན།
