ངེས་འབྱུང་ངོ་གཉིས་མ།
བཀླགས་གྲངས། 332
བཀླགས་གྲངས། 332
—ལུགས་ལྡོག
ཆོས་མེད་ཆོས་པ་ཞིག་གི་ཟོལ་གྱིས།
ཡ་གི་རི་ཁྲོད་པ་གཤའ་མ་ཚོར་བལྟས་ཙ་ན།
སྙིང་པོས་སྟོང་པའི་ངེས་འབྱུང་ཞིག་ངང་གིས་སྐྱེས།
ཤ་མེད་ཤ་བག་ལེབ་ཅིག་ཟ་ཞོར་དུ།
མ་གི་ཁྱིམ་ཚང་ལ་ཡུན་རིང་ཅེར་བ་ན།
རླུང་བུས་ཁྱེར་ཡོང་བའི་རྫིང་དྲི་ཁ་བོ་དེས།
ངེས་འབྱུང་གི་གློ་སྒོ་ཤར་སེ་ཕྱེ་སོང་བ་ཚོར།
མར་མེད་ཀྱི་མར་ཁུ་ཕོར་གང་བཏུངས་ནས།
རླངས་འཁོར་སྒེའུ་ཁུང་མེད་པ་དེའི་ཁ་ལོ་བ་བྱས་ནས།
སྒང་གཤོངས་ཐང་གསུམ་དུ་བརྒྱུགས་བརྒྱུགས་མཐར།
དག་ཞིང་དང་དམྱལ་ཁམས་ཀྱི་སྒོ་མོ་གཉིས་ཀ་གཏན་ཟིན་པས།
བར་དོ་རུ་སྒྱེད་རྡོ་བཙུགས་ནས་གཞིས་ཆགས་རྒྱུའི་སེམས་ཐག་བཅད།
ཨ་ཙི་ཨ་ཙི།
འདྲེ་ཤིག་ཡིན་ནམ་གྲོག་མ་ཡིན།
རླིག་རྐུབ་ཚ་བེར་སེ་བཏང་སོང་ཡ།
༢༠༢༥-༦-༡༨
