ངས་ནམ་རྒྱུན་གདངས་ཀྱི་འགྱུར་ཁུགས་གཅིག་ལ་རྣ་བ་གཏད
མིག་ཟུང་གཅིག་གིས་བདག་ལ་ཧད་དེ་བལྟ་བཞིན་པར་བསམ
འཛུམ་ཆུང་ཞིག་རང་གི་མིག་ཁར་ཡལ་མེད་དུ་གནས་པ་ཡུན་རིང་བོར་མ་ཚོར
ངས་རང་གི་བྲང་ཁོག་རྩྭ་ཐང་དུ་ཞབས་བྲོ་འཁྲབ་ཀྱིན་པ་སུ་ཡིན་ཇི་ལྟར་ཚོར
ངའི་རྣམ་ཤེས་ཀྱི་གཞུང་ལམ་ཏུ་ལྕགས་རྟས་བསྐོར་བསྐྱོད་བྱེད་བཞིན་པ་ཁྱོད་དུ་ག་ལ་ཤེས
ངས་རང་ཉིད་སྟོན་གྱི་སྡོང་ལོ་ཞིག་ཡིན་པ་ཚོར་དུས
ཁྱོད་ཀྱིས་མིག་ཟུང་བཙུམས་སྟེ་ཅི་ཞིག་ལ་རོལ་མྱོང་བྱེད་ཀྱི་འདུག
ངས་རང་ཉིད་ལ་རྒྱང་བཀྱེད་ནས་ཕྱིར་བལྟ་དུས
ཁྱོད་ཀྱི་ཞལ་ལས་ཐོན་པའི་རོལ་དབྱངས་ཀྱི་བརྡ་རྟགས་ཤིག་ཡང་ཡང་མཁའ་རུ་འཕྱོ
ངས་ཁྱོད་རང་གཞས་གཏོང་མཁས་པའི་བུད་མེད་དེ་རེད་བསམ་བསམ་མ་བྱུང

ཤགས་འགྱེད།