གཅེར་བུ་བས།
བཀླགས་གྲངས། 420
དུས་ཀྱི་ཁུག་སོ་ནས།
ཉི་འོད་ཀྱིས་བཅུམས་པའི་ཕྱི་དྲོ་དེར
འཕྲིན་ཡིག་ཅིག་དང་འདྲ་བའི་བུ་མོ་ཞིག་ཐུག་སོང་
སྤྲོ་སེམས་འཁོལ་བ་ནས་ཞི་འཇམ་དུ་སོང་བའི་བར
རྟབ་རྟབ་པོར་སྒོར་དོན་པའི་ཕྱི་དྲོ་དེར
གྲིབ་ཆེན་གྱིས་ཁང་ཁྱིམ་རེ་གཡོར་ནའང་
ངས་རང་གི་བོངས་ཚོད་ལ་སྣང་བ་ཡེ་མ་བྱུང་
འདུ་ལོངས་ལ་འབྲེལ་བ་མེད་པའི་ང་རང་
ལུང་པ་ལག་མཐིལ་ཙམ་ནས་ཕར་ཕྱིན་ཙ་ན
མཐའ་མེད་པའི་ཐང་སྟོང་རྨི་ལམ་ལྟར་རིང་བ་ལ
རང་རང་ལ་ཤར་བའི་སེམས་ཁྲེལ་ནས་བརྩིས་ན
ཆུ་འཁྱག་ལ་འབྱར་བའི་དགའ་སྡུག་དཀར་དམར
ཉེ་འདབས་ཀྱི་རི་ངོས་ནས་བཞུར་བཞིན་འདུག
མཐའ་མི་མངོན་པའི་གཙང་པོ་ལྟར་བཞུར་བཞིན་འདུག
རྒྱང་ལྟ།
ཕར་ཙམ་ནས་ཚུར་ཕྱོགས་དུས
གླུ་ཆུང་ཞིག་ལེན་བཞིན་ཡོད
མེ་ཏོག་མང་བའི་གླུ་ཚིག་དེ
ནམ་མཁའ་དང་ས་གཞི་ཁོ་ནས་གཅེར་བུར་ཕུད་ནུས
ཚུར་ཙམ་ནས་ཕར་འཁོར་ན
སྨྲེང་བའི་ངུད་མོ་འདེབས་བཞིན་ཡོད
ཤིང་སྡོང་ཞིག་སྐམ་པའི་སྐྱོ་བ་དེ་ཉིད
རྩྭ་ཕྲན་ཞིག་གི་མིག་ཆུ་རུ་བྱོ་བཞིན་འདུག
