བོད་ཀྱི་སེམས་པ།
༼ང་ཡི་བླ་མ༽
སེང་གེ
བྱར་མེད་ཡེ་སངས་མཉམ་ཉིད་ཀློང་དུ་ཡང་སངས་ཆོས་སྐུའི་རྟོགས་པ་བརྙེས།།
རང་སྣང་ལྷུན་གྲུབ་འོག་མིན་སྟུག་པོར་ལོངས་སྐུའི་ཆ་བྱད་ཡོངས་སུ་རྫོགས།།
མི་མཇེད་ཁམས་སུ་ཐབས་མཁས་ཐུགས་རྗེའི་རྨད་བྱུང་སྤྲུལ་སྐུའི་རྣམ་པར་རོལ།།
སྐུ་གསུམ་མི་ཕྱེད་འདྲེན་མཆོག་བླ་མ་ཕྱག་ན་པད་མོར་གཙུག་གིས་མཆོད།།
སྐྱེས་ནས་འཆི་ཁར་རང་དབང་ཡོད་པའི་ཆོས་ཀྱི་འཇིག་རྟེན་ཡེ་ནས་ནུབ།།
ཕྱི་ཚུལ་སྣང་བ་ཇི་ཙམ་མཛེས་ཀྱང་བཅོས་མེད་རང་བྱུང་ཁམས་ཀྱིས་སྟོང་།།
གཟུགས་མེད་བརྩེ་བའི་སེམས་པ་མང་ཡང་ཁ་ཞེ་ཟོལ་མེད་བརྩེ་གདུང་ཆུང་།།
རྒྱལ་ཁམས་འདི་རུ་ཡོད་ཚད་སྣང་ཡང་མེད་ཚད་གྲངས་ཀྱིས་བགྲངས་མ་ཆོད།།