ཨ་རིག་དམ་ཆོས་བསམ་འཕེལ།

མདོ་ལའི་འཁྱམས་པོ།

སྐད་ཅིག་མི་སྡོད་བསམ་བློའི་ཆོ་འཕྲུལ་གྱིས།།

མ་ཆོས་དྲན་པའི་ཆུ་བོ་འཁྲུགས་ཤིང་བྲུག།

ཆགས་སྡང་དུག་གི་རླུང་འཚུབ་རབ་འཐིབས་པས།།

ཞི་བདེ་སྣང་བ་མུན་པའི་ཁྲོད་དུ་དེད།།

མདོ་ལའི་འཁྱམས་པོ། 

སྐྱེས་ཤིང་རྒུད་པ་གང་གིས་ཕྱིར་ཟློག་ཅིག་མེད་ཀྱང་།།

རྟག་བརྟན་སྣང་བའི་ཁྲོད་ནས་གསོན་ལ་རེ་ནས་སྡོད།།

མགོ་ལ་སྐྱིད་སྡུག་གང་ཡོང་སུ་ཡིས་ཆ་མ་འཚལ།།

སྲོག་དབུགས་ཕྲེང་ཐག་འདྲ་བོ་ནམ་ཆད་ཅིག་མི་ཤེས།།

ད་དུང་མི་ཁོམ་འདུར་འདུར་རྒྱུག་པ་འདི་མཐའ་མེད།།

བསམ་ཞིང་བསམ་ན་མི་ཚེར་སྙིང་པོ་ཞིག་འདུག་གམ།།

༢༠༢༣ ༡༠ ༢༩

མདོ་ལའི་འཁྱམས་པོས།

མདོ་ལའི་འཁྱམས་པོས།