སྐྱེས་ནས་འཆི་ཁར་རང་དབང་ཡོད་པའི་ཆོས་ཀྱི་འཇིག་རྟེན་ཡེ་ནས་ནུབ།།
ཕྱི་ཚུལ་སྣང་བ་ཇི་ཙམ་མཛེས་ཀྱང་བཅོས་མེད་རང་བྱུང་ཁམས་ཀྱིས་སྟོང་།།
གཟུགས་མེད་བརྩེ་བའི་སེམས་པ་མང་ཡང་ཁ་ཞེ་ཟོལ་མེད་བརྩེ་གདུང་ཆུང་།།
རྒྱལ་ཁམས་འདི་རུ་ཡོད་ཚད་སྣང་ཡང་མེད་ཚད་གྲངས་ཀྱིས་བགྲངས་མ་ཆོད།།
བཀླགས་གྲངས། 626
སྐྱེས་ནས་འཆི་ཁར་རང་དབང་ཡོད་པའི་ཆོས་ཀྱི་འཇིག་རྟེན་ཡེ་ནས་ནུབ།།
ཕྱི་ཚུལ་སྣང་བ་ཇི་ཙམ་མཛེས་ཀྱང་བཅོས་མེད་རང་བྱུང་ཁམས་ཀྱིས་སྟོང་།།
གཟུགས་མེད་བརྩེ་བའི་སེམས་པ་མང་ཡང་ཁ་ཞེ་ཟོལ་མེད་བརྩེ་གདུང་ཆུང་།།
རྒྱལ་ཁམས་འདི་རུ་ཡོད་ཚད་སྣང་ཡང་མེད་ཚད་གྲངས་ཀྱིས་བགྲངས་མ་ཆོད།།
ས་སྲོད་རིང་བའི་དབྱར་མགོ་དེ་ལ་འོད་ཀྱི་ཞིང་ཁམས་མཐོང་ན་ཡང་།།
ནམ་ལང་ཐོ་རངས་སྐྱ་བོ་དཀར་པོ་སེམས་ཀྱི་སྨྲེ་ངག་འདོན་ས་རེད།།
ཡོད་སྡུག་གཅིག་ལ་མེད་སྡུག་གཉིས་ཡོད་ཆ་མི་སྙོམས་པའི་འཇིག་རྟེན་ལ།།
དར་ཅིག་སྐྱིད་པའི་སྣང་ཚུལ་དེ་ཡང་ཁོ་བོར་མཚོན་ན་ཆོ་ངས་ཤིག།
ཁ་ཆར་བུ་ཡུག་སྦྲེལ་འཚུབ་ཆེ་དུས་མི་ཡུལ་འདི་ནི་གྲང་མྱལ་ཞིག།
མེ་ཏོག་ཁ་དོག་མེར་གྱིས་འགྱུར་ཚེ་བརྩེ་བའི་གྲོང་ཁྱེར་མིག་ནས་ཡལ།།
ལོ་འདབ་རྙི་མོ་ལྷུང་སྟངས་བསམ་ན་སང་གི་འཇིག་རྟེན་མེད་པ་བཞིན།།
ཡིད་གཏད་མེད་པའི་གནམ་གཤིས་དེ་དང་ང་ཡི་སེམས་པ་གང་གི་ལས།།
